ба мушкил рӯ ба рӯ шуд.
Солҳои 90-уми асри пор бори гарони рӯзгор бар дӯшаш шуд. Зиндагӣ аз канори ӯву чор фарзанд шавҳарашро бо зӯр ситонд. Ҳамакнун ӯро мебоист мардона бизияд ва бо зиндагӣ мардвор ҳарф бизанад.
Кулбаи хоксорона варо ҳамроҳи се шерзод ба ҷуз сарпаноҳ, даромадгоҳу даромадзост: замини наздиҳавлигӣ гармхона дорад, ки он рӯзирасони оила аст.
Ҳоло ӯ яке аз занони соҳибкори муваффақу ноҳияи Вахш ба ҳисоб меравад. Тавре худи номбурда нақл мекунад, ӯ соли 2018 дар семинарҳои як қатор ташкилотҳои ҷамъиятӣ оид ба интихоби тухмии хушсифат, шинонидани ниҳолакҳо ва тарзу усули кор бо гармхонаи замонавӣ ширкат кард. Нерӯву тавон ва фаъоливу кордонии ӯро ба назар гирифта, яке аз ташкилотҳои ҷамъиятӣ ба Атоева баҳри сохтани гармхона маблағ пешниҳод кард. Ӯ розӣ шуд ва ҳамин тариқ ба фаъолияти соҳибкории ҷиддӣ оғоз кард.
Охири соли 2018 як гармхонаи замонавӣ таъсис дод. Дар аввал соҳибони грант ба ӯ тухми ниҳол медоданд ва вақте ниҳол омода мешуд, аз ӯ мехариданд. Ҳамин тавр, рӯз то рӯз соҳибкории Давлатпочо рушд мекард. Рӯзе ӯ тасмим гирифт, ки ниҳоли соҳибкориашро бисабзонад ва се гамрхонаи дигар бисозад.
Дар гармхонаҳо помидор, бодиринг, лиму ва дигар сабзавотро корида, барои пардохти қарзи бонкиаш ба бозор пешкаш менамуд. Ҳамин тариқ, тавре ки интизор дошт, соҳибкориаш рушд карду ба дарахти борвар бадал ёфт. Вале дарозумрии ин дарахт дароз напоид. Тоҷикистон ва умуман тамоми ҷаҳонро мавҷи коронавирус таҳдид кард ва оҳиста-оҳиста тамоми кишварҳо сарҳадҳои худро баста, таъсир ба ҳамаи соҳаҳо расид.
Ҳамин тариқ, бо як азоби зиёд имкон пайдо кард, ки моҳи июл маблағи қарзи моҳи июн, август моҳи июл ва сентябр ҳам августу ҳам сентябрро пардохт намояд.
Ин имкон аз инҷо даст дод, ки ӯ чанд сол пештар ба воситаи як ташкилоти байналмилалии дигар чандто асбоби дӯзанандагӣ харида, барои келинҳои хонадони худ дода буд, то онҳо дар вақтҳои холигӣ ба дӯзандагӣ машғул шаванд. Воқеан ин асбобҳо имрӯз ба дарди холаи Давлатпочо хӯрданд ва онҳо ӯро аз ин варта раҳониданд.
Ҳамин тариқ моҳи октябри соли 2020 ӯ маблағи қарзи гирифтаашро пурра пардохт намуд.
| Сохтмони маркази савдо ва хизматрасонӣ “Роҳҳо кушода шуданд, фарзандонам ба Русия барои пайдо кардани қутти лоямут рафтанд. Ман инҷо бо пули гармхонаҳоям як бинои дуошёна сохта ба истифода додам. Якум ошёнаи он маркази савдо мешавад ва ошёнаи дуввум сехи дӯзандагӣ, ки ҳамроҳи келинҳоям дигар духтарони маҳаллиро низ ба кор даъват намуда, ҳам ба онҳо касбу ҳунар ёд медиҳем ва ҳам бо воситаи он зиндагишаонро пеш мебаранд",- мегӯяд Атоева. Мавсуф гуфт, ки агар таъсири пандемия ва қарзи бонкиаш намубед, аллакай ин биноро пурра сохта мавриди истифода қарор медод. |
- Масъулини ноҳия гуфтанд, ки ҳамин сол раисҷумҳур муҳтарам Эмомалӣ Раҳмон ба ноҳияи Вахш ташриф меорад ва агар имкон шавад биноро бо иштироки Пешвои миллат мавриди истифода қарор медиҳем. Мутаассифона, ман фурсат накардам сохтмони онро пурра ба итмом расонам. Ҳамин тариқ кушодашавии он ба рӯзи дигар монд, - нақл мекунад холаи Давлатпочо.
Ӯ мегӯяд, ҳоло барои сохтмони як гармхонаи дигар ва таъмири бинои маркази савдо ва хизматрасонӣ аз як бонки дигар қарз гирифтааст ва ҳар моҳ маблағашро пардохт мекунад. Чунки ҳам гармхонаҳояш аз як сол ду ҳосил дода истодаанд ва ҳам фарзандонаш ки дар Русия ҳастанд, барои рушди соҳибкориаш ӯро дасгирӣ мекунанд.
Ӯ пешниҳод намуд, ки бонкҳои кишвар дар ҳолатҳои ногувор мислипандемия ба мардум сабукӣ ва имтиёзҳо пешниҳод кунанд, то онҳо имкон пайдо кунанд миёни худро рост намоянд ва аз паси фаъолияти хеш шаванд.
